ቀደም ሲል 1930ዎቹ ገደማ አባ ፈንታ እየተባሉ የሚታቁ የበቁ አባት በወንዞቹ አካባቢ በመሆን ፀሎት ያደርጉ ነበር ፡፡የወንዙም ስያሜ በእሳቸው ስም ፋንታ እየተባለ መጠራት እንደጀመረ አንዳንድ አባቶች ይናገራሉ፡፡ አባ ፈንታ ፀሎት በሚያደርጉበት ቦታ ብዛት ያለው ፀበል በስፍራው ፈልቆ ነበር ፡፡ከእሳቸውም በኃላ አባ ተካ ሚባሉ አባት ይህንን ፀበል እያጠመቁ ለዘመናት ከቆዩ በኃላ ምክንያቱ በማይታወቅ ነገር ይህ ፀበል ደረቀ ፡፡ እርሳቸውም ማጥመቁን አቆሙ፡፡

ይህ በእንዲ እያለ ነበር በ1999 በወርሃ ሀምሌ አቶ ሀይሉ ክብረት የተባሉ ግለሰብ ይህ ቦታ እኮ እኛ ልጆች ሆነን ፀበል እንጠመቅ ነበር ከጊዜ በኃላ ግን ፀበሉ በመድረቁ ምእመናን ተበተኑ አሁን ደግሞ ፀበሉ ፈልቆ በአካባቢው የሰፈሩት ሰዎች ፀበሉን እየቀዱ ለመጠጥነት ብሎም ለግል ንፅ ህና እያዋሉት ስለሆነ ከ ዚህ አካባቢ ቤተክርስቲያን እንዲሰራ የአ ካባቢውን ምእመናንን በመቀስቀስ 497 የሚያህል የህዝብ ፊርማ አሰባስቦ በ1999 በሀምሌ ወር መቋኞ ቤት አሰሩ፡፡

ይህ በእንዲ እንዳለ የቀበሌ 01/03 በአዲሱ አጠራር ወረዳ 1 አስተዳደር ጽ/ቤት ህገ ወጥ ቤት ሰራችሁ በማለት መቋኞ ቤቷን ካፈረሱ በኃላ ከብዙ ውጣውረድ በኃላ ልክ በፈረሰ በአመቱ የቁስቃም ማሪያም አገልጋይ የነበሩት መላከ ምህረት ቀሲስ ዳዊት ስብሃት አንድ የበቁ አባት መቋኞ ቤቷን መፍረሷን ከነገሯቸው በኃላ ሄደው ይህንን ቤተክርስቲያን እንዲያቋቁሙ ገልፀውላቸው ወደ እዚህ ስፍራ ላኳቸው፡፡ እኚህ አባት ከብዙ ውጣውረድ በኃላ በፈረሰቸው መቋኞ ቤተ-ክርስቲያን አካባቢው ይኖሩ ከነበሩት ከአቶ ተሾመ ወልዴ ጋር በመገናኘት የመጡበትን ሁሉ ገልፀውላቸው የፈረሰውን መቋኞ ቤተ-ክርስቲያን እንዲያሰሩዋቸውና ስለ ፈረሰችው መቋኞ ቤተ-ክርስቲያን ያለፈ ታሪኩን እንዲነግራቸው ጠይቀው ሁሉንም ነገር ከነገሩዋቸው እና ስፍራውን ካሳዩዋቸው በኃላ ለ26/11/2000 ዓ.ም ቀጠሮ ተያይዘው ተለያዩ፡፡

አቶ ተሾመ ወልዴም በተባሉት ቀን የአካባቢውን ነዋሪ ሰብስበው ተገናኙ እና በዕለቱ መስራች ኮሚቴ መርጠው መቋኞ ቤተክርስቲያን መስራት ጀመሩ፡፡ ለስራቸውም ስኬት ሲሉ በወቅቱ የነበሩት አባቶች በ27/11/2000 ዓ.ም በጅምር መቋኞ ቤት ውስጥ ፀሎተ ምዕላ ተደረሰ፡፡በማግስቱም በ28/11/2000 ዓ.ም መቋኞ ቤተ-ክርስቲያና ተሰርቶ ተጠናቆ በ29/11/2000 ዓ.ም መልአኩ የቅዱስ ሩፋኤል ፅላት ገብቶ ስርዓተ ቅዳሴ ተፈፀመ፡፡

መላከ ምህረት ቀሲስ ዳዊት ስብሐት ከመስራች ኮሚቴው ጋር በጋራ በመሆን ሁለተኛ ፅላት ህዳር 6/03/2001 ዓ.ም የሰማዕቷ የቅድስት አርሴማ ፅላት እንዲገባ አድርገዋል፡፡ የቅድስት አርሴማ ፅላት በገባ በሳምንቱ የንብ መንጋ መጥቶ በመቋኞ ቤተ-ክርስቲያን ጉልላት ላይ አረፈ፡፡ በወቅቱ የነበሩት ካህናት የንብ መንጋውን ለመያዝ ሲሞክሩ ተነስቶ ሄደ፡፡ የንብ መንጋው በሄደ በሶስተኛው ቀን በራሱ ፍቃድ በድጋሜ በመምጣት ወደ ቤተ- መቅደስ በመግባት በታቦቱ በሶስተኛው መንበር ውስጥ ገባ፡፡ እስከዛሬ ድረስ ከማሩ እየተቆረጠ ከፀበል ጋር ለምእመናን እየተሰጠ ፈውስ እየሰጠ ይገኛል፡፡

Contact Us

ያግኙን

ስልክ

ኢሜል

ሁኔታ

አድራሻ

ለማንኛውም አይነት ጥያቄ እና አስተያየት ከታች ያለውን ፎርም ይጠቀሙ