ቤተክርስቲያኒቱ ከመቆርቆሯ አስቀድሞ በቦታው የሚኖሩ አባቶች በተለያዩ ጊዜ ራዕይ እንደተገለጠላቸው ይናገራሉ፡፡

ለአብነት ያህል መንግስት በአካባቢው የቁጠባ ቤቶችን ለመገንባት መሃንዲሶችን ልኮ የቅየሳ ስራዎችን በሚሰራበት ወቅት አሁን ቤተክርስቲያኒቷ በተመሰረተችበት ቦታ ላይ ሲመለከቱ የቅየሳ መሳሪያው በተደጋጋሚ ከአገልግሎት ውጪ እየሆነ ቦታውን ለማየት ተቸግረዋል፡፡

ይህንን ተአምር በአይናቸው የተመለከቱ የመንግስት መሐንዲሶች ቦታውን ከመንካት ተቆጥበዋል፡፡

ቤተክርስቲያኒቷ እንድትታነፅ ጋሻ መሬታቸውን የሰጡ የእድሜ ባለጸጋ የሆኑት ጋሽ ደመሳ ዋቅጅራ ይባላሉ፡፡

የቤተክርስቲያኒቱ ግንባታ ነሐሴ 1993 ዓ.ም ተጀምሮ ጥር 18 1994 ዓ.ም 6 ወር ባልሞላ ጊዜ ውስጥ ተጠናቋል ፡፡

በዚህም ጥር 18 ቀን 1994 ዓ.ም ታቦተ ህጉ ገብቶ ጥር 19 ቀን 1994 ዓ.ም ቅዳሴ ቤቱ ተከብሯል ከ2 ቀን በኋላ ጥር 21 ቀን 1994 ዓ.ም የእመቤታችን የቅድስት ድንግል ማርያም በዓለ ንግስ ሆኑዋል ፡፡

በ2003 ዓ.ም የአዲሱ ሕንፃ ቤተክርስቲያን በብጹዕ አቡነ ሕዝቅኤል አማከካኝነት የመሰረተ ድንጋይ ተጥሎ ግንቦተ 20 ቀን 2016 ዓ.ም 5 ብፁአን አባባች በተገኙበት አዲሱ ቤተክርስቲያን በቅብዓሜሮን ከብሮዋል በዚሁ ቀንም ደብራችን በብፁዓን አባቶች መልካም ፈቃድ የቃሊቲ አንቀጸ ብርሃን ቅድስት ድንግል ማርያም ካቴደራል የሚል መጠሪያ አግኝታለች በነጋታውም ግንቦት 21 ቀን 2016 ዓ.ም የአመቤታችን ክብረ አዓል በተደረገበት እለት ታቦተ ህጉ በፊት ከነበረበት ቤተመቅደስ ወጥቶ ወደአዲሱ ቤተመቅደስ ገብቷል፡፡