በ1967 ዓ.ም  በአካባቢ የነበሩ ወጣቶችን በመሰብስበብ ማኅበረ ፍስሐ ብለው ተሰባስበው ነበር ። ወቅቱ ግን ንጉሳዊው የዘውድ ሥርዓት ተገርስሶ  ማዕከላዊ መንግሥት ወታደራዊ ሥርዓት ሥልጣን የያዘበት ጊዜ ስለነበረ ከነበረው የሀገር ፓለቲካዊ ሁኔታ ጋራ ተጨምሮ ይህ ማህበረ ፍሰሐ የተባለው መንፈሳዊ ወጣቶች ስብስብ ሊቀጥል አልቻለም ።  ጽርሐ ንግሥት ቅድስት ሃና ማርያም  ቤተክርስቲያን  የመጡ ሰንበት ተማሪዎች ባቀረቧቸው ወረቦችና መዝሙራት የብዙ ወጣቶችና አባቶችን ልብ በመማረካቸው ምክንያት በዚሁ ዕለት ማለትም ጥቅምት 27 ቀን 1972 ዓ.ም ከምሽቱ አንድ ሰዓት ላይ የአቃቂ መንበረ ሕይወት መድኃኔ ዓለም ቤተክርስቲያን  ፍኖተ ብርሃን ሰንበት ትምህርት ቤት በይፋ ተመሰረተ ።