መካነ ሕያዋን ቅዱስ ገብርኤል ካቴድራል ቤ/ክርስቲያን የተመሠረተው በ2ኛው ፓትርያርክ  በሰማዕቱ አቡነ ቴዎፍሎስ ነው፡ቤተክርስቲያኑ የተሰራበት ቦታ በ1946 ዓ.ም ብፁዕ ወቅዱስ አቡነ ቴዎፍሎስ በግል ገንዘባቸው ከግለሰብ ላይ ገዝተው በ1955 ዓ.ም መቃኖ አሰሩ፡፡  አቡነ ቴዎፍሎስም መቃኞውን ካሰሩ በኋላ ታቦተ ኤልያስን ከጎጃም ክፍለሃገር አስመጥተው አስገቡ፡፡ ነገር ግን ታቦተ ኤልያስን ብዙ ሰው ስለማያውቀው ታቦተ ገብርኤልን ታቦተ ሚካኤልን እና ታቦተ እመቤታችን አስገብተዋል፡፡  አሁን ያለው ቤተክርስቲያን መሠረተ ድንጋይ በ1964 ዓ.ም በግርማዊ ጃንዌ ቀዳማዊ ኃ/ስላሴ  አማካኝነት የተቀመጠ ነው፡፡ የቤተክርስቲያኑ ስራ በ1965 ዓ.ም ተጀምሮ በ1966 ዓ.ም ስራው ተፈጽሞ ታቦቱ ገባ፡፡